التخطي إلى المحتوى

وجه الإعلامي الكبير باسم يوسف صاحب برنامج البرنامج والذى تم وقفة بناءاَ على ضغوط شديده بعد عزل الرئيس السابق محمد مرسي , حيث رأى البعض ان باسم يوسف كان سبب رئيسي فى انقلاب الشعب على رئيس الاخوان , بسبب السخرية , رسالة الى السيد الرئيس عبد الفتاح السيسي قائلاَ “مين المسؤول عن اللي بيحصل في البلد؟”
وقال في بوست على صفحته الرسمية على موقع التواصل الاجتماعي “فيس بوك”: “سيادة الرئيس طبيب الفلاسفة عبفتاح السيسي : أصل حاجة من الاتنين : يا اما انت مسئول مسئولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب و صحفيين مش المفروض يبقوا في السجن لاقتصاد بايظ بسبب قرارات غبية قلنا قبل كده انها غبية لناس بتطلع تهفلط و اسمهم لواءات لسياحة بايظة مرة عشان طيارة بتقع و مرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب و يقتل اجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل و الغباء و الغشومية . المهم يا سيات الرئيس نرجع لموضوعنا: يا اما انت مسؤل عن كل ده مسؤلية كاملة يبقى انت كده صاحبي و حبيبي و كفاءة و عرفنا المسؤول مين يا اما انت مش مسؤول خالص و انت زيك زيينا بتتفرج و مش فاهم حاجة و مالكش لازمة زينا بالظبط و في الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي ؟ .

 

التعليقات

اترك تعليقاً

لن يتم نشر عنوان بريدك الإلكتروني.