تجربتى العمل ف مكاتب المحاسبة للتدريب واخذ الخبره كحلم كل محاسب فى مصر . انه ياخد خبره فى القيود وتقفيل الحسابات والترحيل للدفاتر الخ .. المهم روحت مكتب محترم وشيك فى منطقة راقية وبرستيج قدمت ورقى وعملت انترفيو وكان الاتفاق انى انزل 3 شهور بدون مقابل وساعات العمل من 9 صباحا لحد 5 مساءاَ ولو فى ضغط شغل مش هتروح قولت تمام ضغط شغل يوم يومين مش مهم .

طيب وبعد ال 3 شهور هيعمل معايه عقد احتكار لمده 3 سنوات اني ما اسبش المكتب وفى شرط جزائى بمبلغ كبير ومرتبك هيتراوح بين 450 جنية ل 500 جنية بزياده 10% سنوياَ =D .

اتفقت معاه ان النظام ده مش مناسب وان انا هفضل معاه سنة بعد كلام كتير ومحاولات وافق لان المكتب محتاج موظفين ف الوقت ده عشان الاقرارت الضريبية و تقفيل الميزانيات .

ونزلت الشغل اول يوم عشان اخد الخبره بقى لقيت نفسى شغال مدخل بيانات فتره كبيره لفواتير شركة. بعدها كاتب لفواتير مزوره لعدد 500 فاتوره من النوع الكبير يعنى الفاتوره تاخدلها بتاع 3 ل 5 دقايق كتابة لحد ماتعبت وضهرى واعصاب ايدى باظوا .. الخلاصة ان مكاتب المحاسبة هتديك خبره بس لو انت عايز تستمر ف الشغل فى مكاتب المحاسبة ودى بتبقى مرتباتهم ضعيفة .. غير كدا كورسات محاسبة كويسة هتساعدك اكتر من الشغل ف مكتب .

  • الكلام للناس اللى عايزه تشتغل فى شركات تحت مسمى “محاسب – مدير مالى” .
  • الكلام للناس اللى مش عايزه تفتح مكتب محاسبة .

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *