التخطي إلى المحتوى
اسرار وطريقة عمل الكبده الاسكندرانى مثل المحلات وعربيات الكبده
طبق الضاني المشكل من الكبدة والكلاوي والفشة

هقولكم على ٦ أسرار الكبدة المستوردة اللى بتشتريها من الشارع بأسعار الساندوتش الغالي جدا، وصدقني جربها وعمرك ما هتندم بس اعمل كل الخطوات بدون اى زياده او نقصان .

١- السر الأول : نوع الكبدة : لازم تشتري كبدة نوعها حلو بتشتريها من أي محل لحوم مستوردة… مش هقولك لازم تشتريها بلدى كل المحلات اللى فى الشارع بتعملها بكبده مستوردة وبرضه حسب مقدرتك.

٢- السر التاني : تقطيعة الكبدة : لازم تقطع الكبدة قطع تكون رقيقة زي البفتيك و في نفس الوقت كبيرة.

٣- السر التالت : كمية الزيت : حط 150 جرام زيت في طاسه كبيرة تكون نحاس أو ألومنيم و طبعا النحاس أفضل علشان بيدي طعم للكبدة خطير….سيب الزيت 3 دقايق لحد ما يقدح…طبعا هتقولوا ان الزيت كتير….ده سر من الأسرار…لازم يكون كتير.

طريقة عمل طبق مشكل من الفشة والكلاوي و الكبدة الضاني

٤- السر الرابع : الخلطة : انزل في الزيت ب 10 جرام توم مفروم +10 جرام ليمون + 5 جرام خل.

٥- السر الخامس : التوابل : انزل بكيلو الكبدة و فوقيها فورا توابل 30 جرام ملح + 17 جرام كمون + 3 جرام فلفل اسمر+ 5 جرام شطه + واحد جرام ورق لورا مطحون + نصف جرام حبهان…..لازم التوابل تنزل فوق الكبدة فورا علشان الكبدة تاخد من طعم التوابل.

٦- السر السادس : توقيت نزول الفلفل : قلب بالراحة علشان متتهريش منك…بعد ما الكبدة كلها تبقي رصاصي فاتح جدا انزل ب 350 جرام فلفل رومي + 10 جرام توم مفروم تاني + 10 جرام عصير ليمون تاني + 5 جرام خل و قلب لمدة 3 دقايق و بالهنا و الشفا.

التعليقات

اترك تعليقاً

لن يتم نشر عنوان بريدك الإلكتروني.