تدوال نشطاء عبر مواقع التواصل الاجتماعى صورة لسائق اوتوبيس مصرى فى العشرينات من العمر يعمل على اوتوبيس نقل عام بالقاهرة , وقد نشرت القصة بعد ان شاء الله القدر ركوب مواطنة استقلت الاوتوبيس بعد ان فشلت محاولتها لايجاد تاكسى حسب روايتها , ظهر الشاب بالصوره مرتدياَ افخم الثياب ويتحلى بالاناقة والشياكة وتظهر على وجهه علامات الثقة بالنفس وحبة لعملها وتقديره لها واسلوبها المتميز فى معاملة الركاب وخوفه عليهم .

تحكى زهراء عبر حسابها الشخصى على موقع التواصل الاجتماعى “فيسبوك” انهارده شاء القدر انى اشوف الشاب ده بالصدفة البحته بعد اما فضلت محاولتى فى ايجاد تاكسى عشان اروح البيت , ركبت الاوتوبيس العام ولقيت الشاب ده قدامى لابس شيك جداَ شكيت فية فقربت فى الكرسى القريب من السواق لقيته لابس ساعه وجزمه شيك جداَ وقميص وبلوفر , واستغربت من ادبة من الركاب وظهرة المفرود وثقته فى نفسة .

[ADSENSE5]

غصب عنى لقيت نفسى بتابعه , صقر قاعد قدام الدريكسيون محترف بمعنى الكلمة وتركيزه عالى لدرجة ان عينة على الركاب صعوداَ ونزولاَ عشان مايوقعش حد .. طول الطريق مفيش نرفزة رغم الزحمه واسئلة الركاب المتكررة , فا استئذنت منه وصورته عشان انزلها على الفيسبوك رحب بالفكره جداَ . وقالى انه سعيد بمهنته وان مرتبها كويس ويكفى احتياجاتى .

لما قلتله ربنا يباركلك و يفتح عليك… كانت ابتسامته تتوزع على الناس كلها“.

وعلقت Mervat Salah  ” ياريت كل الشباب يعمل كده ويفهم إن الرزاق كريم بس اجري ورا رزقك“.

وقال Marwan Harb ” هشيرها احتمال تحرك اى حد من الى قاعدين على القهوة“.

وكتبت Soha Nawar “ما شاء الله عليه ..وإيه المشكلة بيسوق أتوبيس ..كفاية أخلاقهفيما رد

Kareem Taha وقال أنا عايز أشتغل سواق أتوبيس نقل عام“.

ويرى Ahmed Sadek أن السائق نموذج للشباب اللى عايز يشتغل ويبقى عنده مستقبل .. حتى ولو مكانش اللى بيحلم بيه“، فيما يرى Hany Mjd أن وراء كل رجل عظيم واسطة“.

وقالت Asmaa Samieh “انا شفت بعيني برا مصر في اكتر من بلد سواقين الأتوبيسات العامة وهيئتهم الشيك وأسلوبهم وأسلوب الركاب معاهم .. الفكرة في الاحترام برا السواق معتز بمهنته وعارف إنها مهمة أوى للناس والركاب مقدرين وعارفين انه مهم جدا فى حياتهم .. الكل بيحترم بعض..جزاك الله خيرا على نقل النموذج ده .. بصيص أمل“.

التعليقات

  1. بس سواق الأتوبيس في الخارج ، مش بيتعامل مع شرطة زيّ شرطة مصر ، و مش بيسوق في شوارع زيّ شوارع مصر ، و مش بيسف تراب من الهواء زي هواء مصر ، و مش بيقبض ملاليم زي مرتب السواق في مصر ، ومش بياخد تريقة وشتيمة من اللي يسوى و اللي ما يسواش زي سواق الأتوبيس في مصر …!!!
    مش كدا ؟ .. واللا إيه ؟ …!!!
    قولوا الحق …!!!

    1. عندك حق لو الناس بتحترم كل المهن زى بره لكن عندنا قلة ادب و عدم احترام و استهانة بالمهن الشريفة

    2. الي الي مش عاجبه حاجة المحترم بيجبر كل الناس احترامه والمؤدب كذلك والشرطة لاتقترب إلا من المجرمين والجماعة الي مش عاجبها حاجة اتقي الله والله مافي بلد في العالم كله احسن من مصر

    3. اه الكلام ده الي جايبنا ورا اعمل الي عليك وسيب الباقي علي ربنا ولو كل واحد اجتهد في شغله هنكون احسن من اوربا نفسها

    4. وطالما ان كل حاجه في مصر مش عاجبه حضرتك قاعد فيها ليه لعلم حضرتك ان مرتبات هيئة النقل العام تغيرت تغيير جذري ولو مش مصدق أسأل اي سائق او كمساري يعمل بهيئه النقل العام والدليل علي صحه كلامي الدفعه الاخيره ممن تعين لايتعدي سنه ال25 عام وياريت لا نلوم مصر ولكن نلوم انفسنا

    5. معلش بقاى مع احترا مى ليك سواقين مصر عظمهم مش كلهم بلطجيه ووسائقى النقل العام مر تبتهم كويسه جدا انا اعرف ناس شغالين فى الهيئه فيهم سواقين كتير بردين وفى منتها قلة الادب

    6. ولا لو راح اتقدم لواحده هتكون فخوره ان جوزها. سواق
      ولا لو راح اي مصلحه وقال انه سواق الناس هتعمله حساب
      ولا ولا ولا…………………..

  2. ربنا يوفقه ويرزقه ربنا يحميه ويحفظه من كل شر هذا شاب عقله متفتح جدا وحبب عمله لذلك دائما ربنا يرضيه ويرزقه بالعمل المناسب

  3. فعلا فخر للشباب اصحاب العقول المتفتحة للتغيير للاحسن زارجوا تقديرهم من جهة هيئة النقل العام واعطائهم ما يميزهم ويشجعهم على مزيد من التحسن فى الاداء والمظهر.

  4. يعني بنحاول ندافع عن الحكومة وعدم توفير فرصة عمل لصاحب البكالوريوس….وبنصفق لصاحب البكالوريوس انه سائق..طيب هو معذور..يعني لو اتقدملك مع احترامي له…وعايز يتجوزك اهلك هايوافقه؟؟؟؟؟؟ كدة اتظلم مرتين…
    بلاش مجاملات علي الفاضي.. ربنا يكرمه ويسترها معاه… وربنا يتوب عليكم من الطبطبة والتطبيل

    1. أنا عايز أفهم إزاي سائق اتوبيس رخصة درجة أولى مهنية وهو أولا معه بكالوريوس
      ثانيا إزاي أيضا معه رخصة درجة أولى وهو في سن العشرينات سبحانه الله

  5. طب مانا خريج اداب والمفروض انى ابقا اخصائى مساح او زى ما الناس بتقول مهندس مساحه وشغال سواق نقل

  6. اللى بيقول على السواقين مرتبهم ضعيف فمرتباتهم ماشاء الله زى الفل وليهم تامينات ونسبة فى التذاكر والمعاشات وبالنسبة للشرطة فالشرطة بتاعامل كل واخد باسلوبه مش زى زمان امشى عدل تحترم تتعوج تاخد فوق دماغك ومصر زى الفل واحسن من مليون بلد

  7. يا رينك يا بنى كنت فنان ولا لاعب كرة مكنش دا حالك ربنا يوفقك ويرضبك لانك راضى فى الايام الى مايعلم بيها الا اللة

  8. ربنا يحميه ويبعد عنه كل شر المهم الاخلاق والادب والانسان اللى بجد بيدور على شغل ويرضى ربنا بيوفقه وبيحققله حاجات حلوه بتعوضه عن حاجات راحت منه وبقوله ربنا يوفقه

  9. هذه الطريقة المثلى التى يقود بها الشباب مصر .يثق فى نقسه وفى قدرته على ان يكون قدوة للشباب وهنا يكمن مغزى التعليم الجامعى

  10. الشغل عمرة ما كان عيب بالعكس هذا الشاب بيتعامل بما قاله رسول الله ان يكون حسن الملابس ووجه بشوش وتبسم فى وجه اخيه صدقه واجمل شئ انه يفعله فى عمله ربنا يبارك فيه

  11. بارك الله فيكى يا اختى الكريمه .وهذا السائق المحترم جزاه الله خيرا وربنا يسترها عليه هو وكل السائقين المحترمين وهذا المثل رجعنا لايام زمان لما كان السواق كان اول حاجه يتعلمها هى الادب والاخلاق وجزاكم الله خيرا .

  12. الحقيقة مثل هذا الشخص .. وجهه مشرفة لمصر لأنى كنت فى اوربا وكنت بشوف سائقى الحافلات واتوبيسات النقل العام فى ابهى صورة من حيث المظهر والنظافة .. واكيد الجانب فى مصر مش بيركبوا اتوبيسات النقل العام للهيئة بسب : 1- قذارتها ومعظم شكل السائقين اللى على طول الفوطه الصفراء والسيجارة ورداءة الملابس .. لازم الهيئة تراعى المظهر والثقافة حتىى لو تكون الباصات دى مميزة بسائقيها ومثل هذ الشاب المتعلم المحترم وبالتالى سيحافظ على مظهر الباص كما يحافظ على مظهرة ,, ويجب ان تخلى عن الروتين والأهتمام بوسائل النقل العام شكلا و موضوعا …

  13. أي شخص في أي مهنة يقدر يفرض احترامه ع الناس بأدبه وحسن أخلاقه ..ربنا يبارك له ويهدي اللي قاعدين ع القهاوي وبياخدوا المصروف من أمهاتهم ..

  14. المهم اننا نشتغل للاسف احنا عندنا ثقافة العمل فى مصر سلبية بمعنى احتقار بعض المهن وكمان انفصال التعليم عن سوق العمل ودة مهم جدا برة مصر كل المتعلمين بيشغلوا كل شئ بس هناك احترام للمهن وللاشخاص لانهم ثقافتهم بتقول لهم ان كل فرد فى المجتمع مهم بعمله مهما كان صغير او قليل احنا مش عندنا كدة كمان الحكومات هى الى ساعدت على ترسيخ كدةلانها بتخلى مرتبسواق الاتوبيس وعامل النظافةملاليم وناس بتاخد ملايين فى الشهر مفيش عدالة اجور والاول والاخر دة موظف حكومة ودة موظف حكومة

  15. لما خريج الجامعة يشتغل سواق عاوز حد يجاوب السؤال الصعب ده يبقي السواق يشتغل ايه؟؟؟؟؟؟؟؟؟؟؟؟؟؟

  16. هذا الشاب خير مثال للشباب الذى يبحث عن لقمة العيش بصرف النظر عن الشهادة العليا عملا بالمثل الصينى الذى يقول اعمل ما لا تحب حتى تعمل ما تحب من الجايز جدا ان يعما سائق لفترة قصيرة وينتقل بعد ذلك لعمل آخر مناسب لشهادته احسن ما يفضل اعد على القهوة ومستنى عمل

  17. ربنا يباركله والشغل مش عيب طلما بالحلال ومش بيميد اداه لاحد وعلى فكره فى امثله كتير كده ومحترمه بس احنا المغمضين عنينا عنها

  18. انا بس عايز اعرف مش السواق اللى بيشتغل فى الهيئة مش لازم يكون معه رخصة مهنيه على الاقل درجة ثانية الرخصة المهنيه الدرجة الثالثة تستخرج بعد الجيش او المعافاة يعنى على الاقل بعد سن 22 والدرجة الثانية بعد الثالثة ب3 سنوات يبقى ازاى عنده 20 سبة ويعمل فى الهيئة واسعة شوية

  19. قهوة ايه يا اساتذة اللي الشباب قاعد عليها هي القعده دي مش عايزة فلوس يا سادة يا محترمين في ناس معدومة الدخل مش هنقول محدودة الدخل ده مفيش دخل اصلاً والباشا ده يحمد ربنا انه اشتغل في النقل العام ده باشا هو انتوا قعدين علي مكاتب ومش عارفين حال الشباب واصل لحد فين ولا محدش بيفكر في مصر
    حسبي الله ونعم الوكيل,,,

  20. افعلوا الخير لعل السلوك الحسن يحتذى به مثلا ونخرج من ازمة الرجوع الى الخلف — فانظر امامك ولا تكن كمن قالت هوه انا انظف البيت ليه من التراب ماهو التراب حيرجع تانى — كن إيجابيا حتى وان انتقدك الناس على فعل الخير وكن صاحب مبدا المصلحه العامه للوطن هي الأولى

  21. ربنا يبارك فيه وان شاء الله ربنا يكرمه واكيد فيه نماذج كتيره مثله وانا اعتقد ان تربيته وبيته محترمه وربنا يكرم ولده وولدته لان نتاج بيت مصرى اصيل

  22. احترم واقدر هذا الشاب لما تناوله من ايضاح لفكرة السائق المحترم والذي يجتهد ويشقي من اجل العمل فهذه المهنة ليست الا اخلاق وعندما يكون الانسان عنده اخلاق يبقي وصلنا للقمة ويعطي الفكرة للأخرين عن كيفية التعامل مع ركاب المواصلات اما الاخوة الاخرين الذين يرتدون ثياب مقطعه او سيئة فهذا لآن اتوبيساتنا تحتا لصيانة دائمة واعطال شديدة فيلبس هذه الملابس للصيانة طيب العيب ده عند مين عند اللي فحص الاتوبيس وحلاه يخرج برا الجراج وهو بهذه الحالة السيئه طيب ليه لم نسئل انفسنا ليه سائقي القطاع السياحي مظهر لائق وجميل عشان الدولة موفره ليه الامكانيات

  23. هى دى مصر (هب……………………………..) شباب رجالة وطول عمرهم رجالة ، الشاب الى مستنى ابوه يعطية مصروف او جالس على القهوة شباب فاشل ادب وتربية واخلاق وعلى راى س من الناس حب ماتعمل واعمل ماتحب اصحوا ياشباب مصر نموذج هذا الشاب هو امل مصر وفى غرة كثير حاصل على لسانس او بكالريوس وبيشتغل سباك ونجار و حداد و ……………………………………………………..الخ عمار يامصر

  24. المهم الشباب يشتغل محدش يقعد عاطل لو هيبيع مناديل البطاله سبب المصائب اللى مصر فيها

  25. انا ايضا افتخر اني سائق بهيئه النقل العام الشغل عمره ما كان عيب العيب اني استنا الوظيفه وانا قاعد علي القهوه وقول انا عايز اشتغل بلمؤهل يبقا عمري ما هبقا حاجه

  26. انت سيادتك انسان محترم واهلك عارفه يربوك الله يبارك فيك
    والله يبارك في اهلك اللهم آمين
    مع تمنياتي وتحياتي لك بالتوفيق والنجاح أن شاءالله
    ياريت نكون اصدقاء

  27. اها واروح انا بقى اتقدم لواحده اقول لآهلها انا سواق اتوبيس عام والله دي مش مشكلة شباب دي مشكلة شعب بأكمله

  28. لو حبيتوا تشوفوا المؤهلات العليا وكمان الدراسات العليا وناس معاها دكترا فى الجمعه وموجه وكل دا وشغالين فى المجزر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *