‘‎انا عايز اتكلم عن موضوع مهم جدا عن الاقامة في امريكا بفيزا سياحة و للأسف بلاقي معظم الناس فاهمة الموضوع غلط خالص حتى الناس اللي بتسافر.

– دي اهم نقطة في البوست كله و ياريت اللي بيقراها يقف عندها كدا و يفكر كويس و يفهمها،، دلوقتي ايه هي اهم حاجة في التقديم على اي فيزا مش امريكا بس، اهم و اصعب الفيز و الاقامات و كله باختلاف الدول بتعتمد على حاجة واحدة بس ” اثبات النية” و الاثبات ده بيختلف من كل نوع فيزا و من كل دولة طيب يعني ايه الكلام ده؟ يعني انت مقدم على فيزا سياحة في اي سفارة لو الراجل اللي في السفارة متأكد من انك 100% رايح تتفرج على بلده و ترجع هيديك الفيزا حتى لو معكش جنيه في البنك و من غير ولا ورقة، حتى لو هتروح تقعد في ارخص هوستل و مش هتاكل و مش هتدخل فلوس ” عشان بس في ناس فاكرة انهم بيدولنا فيزا عشان بندخل لبلدهم فلوس و الحقيقة ان المصري مش من الجنسيات اللي بتعتمد عليها الدول في السياحة طبعا و بالعكس احنا المشاكل اللي بتيجي من ورانا اكتر من الفلوس يعني لو الموضوع بزنس كانوا لغوا تأشيرات السياحة للمصريين اصلا”.


نرجع لموضوعنا، زمان ايام اباءنا و دودنا كان اللي عايز يسافر مكان بيسافروا بسهولة جدا امال ايه المشكلة حاليا ان الناس اللي سافرت قبل كدا بوظت موضوع النية ده، خدوا فيز سياحة و راحو كسروا و اشتغلو او قدموا على لجوء و عشان كدا بقوا بيشكوا في نية اي حد انوا مش رايح يعمل زي اللي بيقول عليه و كل ما الناس بتكسر و بتخالف اكتر كل ما انت بيكون مطالب منك اثباتات اكتر عشان تثبت النية، مقدم على سياحة تثبت انك سايح و انك هترجع بعد ما تخلص جولتك، مقدم على بيزنس تثبت انك ليك مصلحة في المكان اللي رايحه و لما تخلصها هترجع، مقدم على دراسة تثبت انك مهتم بالمكان الللى رايحه و بمجال الدراسة و مش واخد الموضوع كوبري للاقامة او الشغل و زي ما قلت طريقة الاثبات بتعتمد على نوع الفيزا، لو قدرت تثبت الكلام ده في سفارة تضمن الفيزا 100%
و انا نفسي بس اي حد قبل ما يقدم على فيزا او يقول حاجة في انترفيو سفارة او يقول معلومة لحد بس يشغل دماغه، شغل دماغك بانك تحط نفسك مكان اللي بيسمع الكلام ده انت دلوقتي القنصل اللي عايش في مصر ها ، و بيعدي عليك الف واحد مصري في اليوم و معظمهم بيقولوا نفس الكلام و انت عايش في مصر و عارف الجنيه بكام و الدولار بكام و عارف الشغل و التعليم و الصحة ظروفها ايه يعني انت عارف ان معظم الناس عايزة تسافر عشان تدور على حياة احسن، شغل بس دماغك و انت تعرف ايه اللي يتقال و ايه لأ


نرجع لموضوع فيزا امريكا السياحة، اولا للناس اللي مش عارفة فيزا امريكا للسياحة من نوع b1/b2 ببتبقى في معظم الاحيان خمس سنين، الفكرة ان في ناس كتير جدا من اللي عارفة المعلومة اصلا فاهماها غلط جدا و فاكرة انك تنفع تقعد جوا البلد خمس سنين، مكنش حد غلب و طبعا لو زي ما قلنا فوق انت شغلت دماغك هتلاقي ان كلمت سياحة و كلمت خمس سنين ده كلام غير منطقي بالمرة، يعني ايه اديك فيزا انك تقعد تلف في امريكا خمس سنين تتفرج عليها، طيب امال ايه؟؟ الخمس سنين دول صلاحية الفيزا، عاملة زي كروت الشحن بتاعت زمان، ليك رصيد 100 جنيه صالحين لمدة مش عارف 3 شهور، هو نفس الكلام بالظبط انت عندك الفيزا دي اللي هي الصلاحية خمس سنين تقدر تدخل و تخرج بيها لمدة خمس سنين طيب امال الرصيد بقى؟ الرصيد هنا هو وقت الاقامة جوا البلد و ده اللي بيحدده الظابط بتاع الجوازات اللي هتختم عنده في المطار و في الغالب بيديك 6 شهور، يبقى انت كدا من تاريخ دخولك البلد ليك انك تقعد 6 شهور بس و لازم تخرج و الا تبقى كسرت فيزا عشان زي ما قلنا خلاص رصيدك خلص لكن لسه عندك صلاحية خمس سنين، تقدر تيجي تاني في خلال الخمس سنين بنفس الفيزا و الراجل يختملك 6 شهور تاني و كل حاجة من الاول، و هنا يظهر النقطة اللي انا عامل الموضوع عشانها اصلا و هي النقطة اللي جاية.


– النقطة دي تهم الناس اللي معاها فيزا السياحة اولا و الناس اللي بتفكر تقدم عليها عشان تقعد هناك
دلوقتي زي ما قلنا فوق انت الراجل بيختملك 6 شهور يعني تقدر تقعد جوا امريكا بصفتك سايح 6 شهور و بعدين تخرج، يطلع واحد ذكي جدا و بيفكر خارج الصندوق لدرجة ان ادارة الهجرة في امريكا مش عارفة فكرته دي و يقولك طيب انا اروح هناك اقعد ال6شهور و بعدين اخرج من امريكا اروح المكسيك يومين او اروح مصر اسبوع و ارجع تاني اختم 6 شهور و ادخل و بكدا ابقى قعدت بالفيزا الخمس سنين كلهم هناك.
للأسف ده شخص شغل دماغه بس في الاتجاه التاني مش اللي بقول عليه و بتكون عقوبته ان الفيزا بتتلغي و بيتمنع من الدخول و غالبا مش هيعرف ياخدها تاني ” الكلام ده مش من عندي ده من تجارب الناس اللي انا شفتها بعيني بحكم اني كنت قاعد هناك” اللي حصل ان اخينا ده مكسرش القانون، هو معملش اي حاجة غير قانونية على الورق بس كل الفكرة انه مشغلش دماغه و سأل نفسه اهم سؤال، هو في سياحة 6 شهور متواصل في بلد واحدة؟ طيب لو افترضنا في المبلغ اللي الشخص محتاجه عشان كدا هل معاه؟ هل يقدر يثبت انه ال6شهور اللي فاته كان فعلا سايح في البلد و مش كدا و بس ده لسه مخلصش جولته السياحية و عايز يدخل تاني؟

فاللي هيحصل كالاتي، كل الاسئلة دي طبعا حافظها ظابط الجوازات اللي هو عارف كل الحالات اللي في الدنيا بحكم شغله و عارف الناس بتعمل ايه، هيروح يقول لحضرتك انت كنت قاعد فين ال 6شهور اللي فاتوا؟ و كنت بتصرف منين؟ بالمناسبة 6 شهور في امريكا كسايح عايزة على الاقل خااااالص 15 الف دولار لو انت سايح معفن و بتوفر كل سنت، هتقوله مثلا انا كنت في تكساس او كاليفورنيا ، طبعا ده كلام ميدخلش عقل عيل صغير، انت بقالك 6 شهور في ولاية واحدة او اتنين او تلاتة او خمسة!! انت لو بتلف الولايات شارع شارع هتكون خلصتهم و اصلا السايح بيروح يشوف اهم الاماكن في البلد و يمشي، تخيل ان سايح بيقولك انا قعدت 6 شهور في القاهرة اللي هيا لو عايز تشوف كل الاماكن السياحية اللي فيها بالكتير هتقعد اسبوع يعني، طبعا كلام اهبل و هيكون نتيجته ان الفيزا بتاعتك هتتلغي ،لان الراجل هيبقى متاكد انك كنت قاعد هنا بتشتغل او بتعمل اي حاجة تانية بخلاف السياحة و ده مش اللي هما ادولك الفيزا عشانه

الكلام ده اصلا احتمال هيحصل و انت خارج مش و انت داخل تاني مرة، و انت خارج اصلا لو شاف ختم الدخول من 6 شهور هتبقى مطالب بشرح موقفك بشدة و طبعا بنسبة كبيرة الفيزا هتتلغي الا لو عرفت تديله مبرر للاقامة الطويلة دي و يكون مبرر مقبول.


يا ريت الناس تفهم و الناس اللي بتحب الاستنصاح و الفهلوة و فاكرين ان المصريين مفيش حد بيقدر على فهلوتهم يعرفوا ان الراجل اللي هما حاطينه في المكان ده سواء في السفارة او في مكتب الجوازات في البلد نفسها هما مختارينه من وسط الشعب كله عشان هو شاطر في شغله ده غير ان هو عدى عليه مليون واحد قبلك و عارف القانون و عارف الناس ازاي بتستغله و مش هيتردد ابدا انه يرزعلك ختم ظريف فوق الفيزا زي اللي في الصورة كدا و ابقى قابلني بقى

و انا اسف لأني استخدمت كلمة شغل دماغك كتير بس اللي الواحد بيشوفوا مش طبيعي اقسم بالله، الناس حرفيا بتكسل تفكر او حتى تدور على جوجل و كله كوم و الناس اللي بتنصح في الكومنتات ببلاوي سودا من غير برده ما يتعبوا و يفكروا الكلام ده هيبقى نتيجته ايه‎’
انا عايز اتكلم عن موضوع مهم جدا عن الاقامة في امريكا بفيزا سياحة و للأسف بلاقي معظم الناس فاهمة الموضوع غلط خالص حتى الناس اللي بتسافر.


– دي اهم نقطة في البوست كله و ياريت اللي بيقراها يقف عندها كدا و يفكر كويس و يفهمها،، دلوقتي ايه هي اهم حاجة في التقديم على اي فيزا مش امريكا بس، اهم و اصعب الفيز و الاقامات و كله باختلاف الدول بتعتمد على حاجة واحدة بس ” اثبات النية” و الاثبات ده بيختلف من كل نوع فيزا و من كل دولة طيب يعني ايه الكلام ده؟ يعني انت مقدم على فيزا سياحة في اي سفارة لو الراجل اللي في السفارة متأكد من انك 100% رايح تتفرج على بلده و ترجع هيديك الفيزا حتى لو معكش جنيه في البنك و من غير ولا ورقة، حتى لو هتروح تقعد في ارخص هوستل و مش هتاكل و مش هتدخل فلوس ” عشان بس في ناس فاكرة انهم بيدولنا فيزا عشان بندخل لبلدهم فلوس و الحقيقة ان المصري مش من الجنسيات اللي بتعتمد عليها الدول في السياحة طبعا و بالعكس احنا المشاكل اللي بتيجي من ورانا اكتر من الفلوس يعني لو الموضوع بزنس كانوا لغوا تأشيرات السياحة للمصريين اصلا”
نرجع لموضوعنا، زمان ايام اباءنا و دودنا كان اللي عايز يسافر مكان بيسافروا بسهولة جدا امال ايه المشكلة حاليا ان الناس اللي سافرت قبل كدا بوظت موضوع النية ده، خدوا فيز سياحة و راحو كسروا و اشتغلو او قدموا على لجوء و عشان كدا بقوا بيشكوا في نية اي حد انوا مش رايح يعمل زي اللي بيقول عليه و كل ما الناس بتكسر و بتخالف اكتر كل ما انت بيكون مطالب منك اثباتات اكتر عشان تثبت النية، مقدم على سياحة تثبت انك سايح و انك هترجع بعد ما تخلص جولتك، مقدم على بيزنس تثبت انك ليك مصلحة في المكان اللي رايحه و لما تخلصها هترجع، مقدم على دراسة تثبت انك مهتم بالمكان الللى رايحه و بمجال الدراسة و مش واخد الموضوع كوبري للاقامة او الشغل و زي ما قلت طريقة الاثبات بتعتمد على نوع الفيزا، لو قدرت تثبت الكلام ده في سفارة تضمن الفيزا 100%.

و انا نفسي بس اي حد قبل ما يقدم على فيزا او يقول حاجة في انترفيو سفارة او يقول معلومة لحد بس يشغل دماغه، شغل دماغك بانك تحط نفسك مكان اللي بيسمع الكلام ده انت دلوقتي القنصل اللي عايش في مصر ها ، و بيعدي عليك الف واحد مصري في اليوم و معظمهم بيقولوا نفس الكلام و انت عايش في مصر و عارف الجنيه بكام و الدولار بكام و عارف الشغل و التعليم و الصحة ظروفها ايه يعني انت عارف ان معظم الناس عايزة تسافر عشان تدور على حياة احسن، شغل بس دماغك و انت تعرف ايه اللي يتقال و ايه لأ.


نرجع لموضوع فيزا امريكا السياحة، اولا للناس اللي مش عارفة فيزا امريكا للسياحة من نوع b1/b2 ببتبقى في معظم الاحيان خمس سنين، الفكرة ان في ناس كتير جدا من اللي عارفة المعلومة اصلا فاهماها غلط جدا و فاكرة انك تنفع تقعد جوا البلد خمس سنين، مكنش حد غلب و طبعا لو زي ما قلنا فوق انت شغلت دماغك هتلاقي ان كلمت سياحة و كلمت خمس سنين ده كلام غير منطقي بالمرة، يعني ايه اديك فيزا انك تقعد تلف في امريكا خمس سنين تتفرج عليها، طيب امال ايه؟؟ الخمس سنين دول صلاحية الفيزا، عاملة زي كروت الشحن بتاعت زمان، ليك رصيد 100 جنيه صالحين لمدة مش عارف 3 شهور، هو نفس الكلام بالظبط انت عندك الفيزا دي اللي هي الصلاحية خمس سنين تقدر تدخل و تخرج بيها لمدة خمس سنين طيب امال الرصيد بقى؟ الرصيد هنا هو وقت الاقامة جوا البلد و ده اللي بيحدده الظابط بتاع الجوازات اللي هتختم عنده في المطار و في الغالب بيديك 6 شهور، يبقى انت كدا من تاريخ دخولك البلد ليك انك تقعد 6 شهور بس و لازم تخرج و الا تبقى كسرت فيزا عشان زي ما قلنا خلاص رصيدك خلص لكن لسه عندك صلاحية خمس سنين، تقدر تيجي تاني في خلال الخمس سنين بنفس الفيزا و الراجل يختملك 6 شهور تاني و كل حاجة من الاول، و هنا يظهر النقطة اللي انا عامل الموضوع عشانها اصلا و هي النقطة اللي جاية.


– النقطة دي تهم الناس اللي معاها فيزا السياحة اولا و الناس اللي بتفكر تقدم عليها عشان تقعد هناك
دلوقتي زي ما قلنا فوق انت الراجل بيختملك 6 شهور يعني تقدر تقعد جوا امريكا بصفتك سايح 6 شهور و بعدين تخرج، يطلع واحد ذكي جدا و بيفكر خارج الصندوق لدرجة ان ادارة الهجرة في امريكا مش عارفة فكرته دي و يقولك طيب انا اروح هناك اقعد ال6شهور و بعدين اخرج من امريكا اروح المكسيك يومين او اروح مصر اسبوع و ارجع تاني اختم 6 شهور و ادخل و بكدا ابقى قعدت بالفيزا الخمس سنين كلهم هناك.
للأسف ده شخص شغل دماغه بس في الاتجاه التاني مش اللي بقول عليه و بتكون عقوبته ان الفيزا بتتلغي و بيتمنع من الدخول و غالبا مش هيعرف ياخدها تاني ” الكلام ده مش من عندي ده من تجارب الناس اللي انا شفتها بعيني بحكم اني كنت قاعد هناك” اللي حصل ان اخينا ده مكسرش القانون، هو معملش اي حاجة غير قانونية على الورق بس كل الفكرة انه مشغلش دماغه و سأل نفسه اهم سؤال، هو في سياحة 6 شهور متواصل في بلد واحدة؟ طيب لو افترضنا في المبلغ اللي الشخص محتاجه عشان كدا هل معاه؟ هل يقدر يثبت انه ال6شهور اللي فاته كان فعلا سايح في البلد و مش كدا و بس ده لسه مخلصش جولته السياحية و عايز يدخل تاني؟

فاللي هيحصل كالاتي، كل الاسئلة دي طبعا حافظها ظابط الجوازات اللي هو عارف كل الحالات اللي في الدنيا بحكم شغله و عارف الناس بتعمل ايه، هيروح يقول لحضرتك انت كنت قاعد فين ال 6شهور اللي فاتوا؟ و كنت بتصرف منين؟ بالمناسبة 6 شهور في امريكا كسايح عايزة على الاقل خااااالص 15 الف دولار لو انت سايح معفن و بتوفر كل سنت، هتقوله مثلا انا كنت في تكساس او كاليفورنيا ، طبعا ده كلام ميدخلش عقل عيل صغير، انت بقالك 6 شهور في ولاية واحدة او اتنين او تلاتة او خمسة!! انت لو بتلف الولايات شارع شارع هتكون خلصتهم و اصلا السايح بيروح يشوف اهم الاماكن في البلد و يمشي، تخيل ان سايح بيقولك انا قعدت 6 شهور في القاهرة اللي هيا لو عايز تشوف كل الاماكن السياحية اللي فيها بالكتير هتقعد اسبوع يعني، طبعا كلام اهبل و هيكون نتيجته ان الفيزا بتاعتك هتتلغي ،لان الراجل هيبقى متاكد انك كنت قاعد هنا بتشتغل او بتعمل اي حاجة تانية بخلاف السياحة و ده مش اللي هما ادولك الفيزا عشانه

الكلام ده اصلا احتمال هيحصل و انت خارج مش و انت داخل تاني مرة، و انت خارج اصلا لو شاف ختم الدخول من 6 شهور هتبقى مطالب بشرح موقفك بشدة و طبعا بنسبة كبيرة الفيزا هتتلغي الا لو عرفت تديله مبرر للاقامة الطويلة دي و يكون مبرر مقبول.


يا ريت الناس تفهم و الناس اللي بتحب الاستنصاح و الفهلوة و فاكرين ان المصريين مفيش حد بيقدر على فهلوتهم يعرفوا ان الراجل اللي هما حاطينه في المكان ده سواء في السفارة او في مكتب الجوازات في البلد نفسها هما مختارينه من وسط الشعب كله عشان هو شاطر في شغله ده غير ان هو عدى عليه مليون واحد قبلك و عارف القانون و عارف الناس ازاي بتستغله و مش هيتردد ابدا انه يرزعلك ختم ظريف فوق الفيزا زي اللي في الصورة كدا و ابقى قابلني بقى

و انا اسف لأني استخدمت كلمة شغل دماغك كتير بس اللي الواحد بيشوفوا مش طبيعي اقسم بالله، الناس حرفيا بتكسل تفكر او حتى تدور على جوجل و كله كوم و الناس اللي بتنصح في الكومنتات ببلاوي سودا من غير برده ما يتعبوا و يفكروا الكلام ده هيبقى نتيجته ا

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *