ناس كتير بتسافر طيران بس مبتعرفش تجيب احسن سعر، المقال دا مخصوص عشان يساعدك تعرف تجيب احسن سعر تذكره طيران.
مجموعة مواقع لحجز ارخص رحلات الطيران
1- https://matrix.itasoftware.com/
الموقع دا مش بيحجز بس بيساعد جدا علي البحث بالذات لو معنديش مواعيد محدده او مطار او مدينه بعينها عاوز اسافر فيها
الموقع دا بيقدم كام ميزه :
اولا : بيسمحلك تبحث من خلال مطار او اكتر او مدينه او اكتر يعني علي سبيل المثال لو انا عاوز اسافر من القاهرة او اسكندريه او الغردقه في البحث هضغط علي كلمه Nearby
واختار مسافه اللي ممكن ابحث عن مطارات فيها مثلا في نطاق 100ميل او اكتر واختار المدن او المطارات اللي ممكن اسافر منها
او اكتب علي طول المطارات اللي ممكن اسافر منها بالشكل دا
CAI, HBE, SSH, HRG
ودا يعني ابحث في مطارات القاهرة واسكندرية والغردقة وشرم الشيخ ,
وليه ممكن اعمل كدا لان اوقات في طيران مش بيجي الا مطار الغردقة وشرم الشيخ مثلا وبيكون ارخص كتير زي بعض دول اوروبا في ايطاليا مثلا او تركيا
انا مثلا سافرت قبل كدا من الاقصر ووفرت اكتر من 2000ج
ثانيا : في الموضوع دا , انا مره كنت مسافر اسيا وكنت عامل حسابي هلف 3 دول فمش هتفرق معايا الترتيب فعملت بحث عن العوده تكون من ماليزيا او تايلند او اندونيسيا فلقيت ان العوده من اندونيسيا ارخص فحجزت العوده علي اندونيسيا ورتبت رحلتي بالشكل دا ذهاب الي تايلند وبعدين روحت ماليزيا وبعدين اندونيسيا ورجعت من هناك
ثانيا – بيديك ميزه انك تبحث طول الشهر , يعني ممكن تكوله ابحث من اول تاريخ 15 اكتوير مثلا والعدوده بعد مثلا 60 يوم , هيجيبلك احسن يوم تسافر فيه في خلال شهر
او تختار تواريخ محدده وتختار يبحث يومين قبلها ويومين بعدها فهيجيبلك جدول لاحسن ميعاد في التواريخ اللي انت كاتبها .
موقع سكاى سكانر لحجز تذاكر الطيران
https://www.skyscanner.net/
الموقع دا بيديك كام ميزه بردوا في اليحث
اولا : لو انت عاوز تسافر ومش محدد فين ممكن تختار السفر مثلا من مصر الي اي مكان , هو هيجيبلك ترتيب الدول اللي ممكن تروحها الارخص في السعر الاول (بس عيبه انه اوقات مش بيكون دقيق قوي بس علي الاقل بتعرف تقريبا ايه ارخص الدول اللي تسافر لها) .
ثانيا : بيقارن مابين شركات حجز كتير قوي فبيجيلك كل الاسعار (فتقدر تعرف احسن سعر تقريبا بس عيبه ان السعر اللي بيجيلهولك بيكون بالعمله الاجنبيه فخاللي بالك لو حجزت بفيزا او كريديت كارت مصريه هيزود عليك 3% او 4% عموله شراء بعمله اجنبيه وممكن ترجع لبتكك تسال ) .
التعليقات