كلمات اعلان احمد حلمى ودنيا سمير غانم الجديد بأعلان مستشفي مجدى يعقوب للقلب الجديد رمضان 2017، بعد نجاح اعلان مؤسسة مجدى يعقوب رمضان الفائت 2016 والذى شارك فيه العديد من النجوم، والذى كان بعنوان “أرسم قلب وضحك على الشبابيك” وقد نال اعجاب الجمهور وحصل على تأيد جميع فاعلى الخير، قررت المؤسسة اختيار الفنان احمد حلمي والفنانة الكوميدية الجميلة دنيا سمير ان يكونوا الوجهه الاعلانية للمؤسسة في شهر رمضان 2017 والذى نال رضي الجمهور لكلمات الاغنية المؤثرة والجميلة .

كلمات اغنية دنيا سمير غانم واحمد حلمى “صوت دقاته” مستشفى يعقوب للقلب

لما القلب يدق يدق يدق يدق
صوت دقاته بيعلى وبيقولى اعيش
ونقول اها للفرحة
وللحزن نقول لا
ونقول للخوف ابعد عنا ياريت ماتجيش
سحر الدنيا يبان لما نشوف الالوان
الاسود موجود علشان الباقى يبان
الصورة بتحلى بتفاضيلها حاجات لو بس هنعملها
نلقى الفرحة عايشة معانا ف كل مكان
لما القلب يدق يدق يدق يدق
صوت دقاته بيعلى وبيقولى اعيش
ممكن تيقى حياتنا جميلة ف غمضة عين
لما نامن بيها ولما نكون عارفين

كنز حياتنا بيبقى الرحلة مره بتقسى ومره بتحلى
من غير ده وده ماينفعش نكون عايشين
لما القلب يدق يدق يدق يدق
صوت دقاته بيعلى وبيقولى اعيش
دور فيك على الحاجه اللى تملى تقويك
حارب اصل الاستسلام مايرقيش عليك
خلى واثق انك تقدر
خلى الحلم فى قلبك يكبر
اى ظروف وحواجز الخوف
هدها بأديك
لما القلب يدق يدق يدق يدق
صوت دقاته بيعلى وبيقولى اعيش
لما الوقت بيمشى بيمشى وجعنا معاه
اجرى ورا الفرحة
واياك يوم تستنى
عيش ايامك كل دقيقة
والاحلام خليها حقيقة
هى حياتنا من غير فرحة هتبقى حياه
لما القلب يدق يدق يدق يدق
صوت دقاته بيعلى وبيقولى اعيش
ونقول اها للفرحة
وللحزن نقول لا
ونقول للخوف ابعد عنا ياريت ماتجيش

اغنية اعلان مستشفى مجدي يعقوب للقلب – اغنية لما القلب يدق يدق

لا تنسي التبرع لمؤسسة مجدى يعقوب للقلب عن طريق الاتصال برقم 19731 والاستعلام عن طرق التبرع للمؤسسة، فنجاح الاعلان يجب ان يحثك على فعل الخير والمساعدة في علاج الحالات المرضية المتأخرة .

التعليقات

  1. الاغنيه جميله بجد كنت عايز اعيط ربي يشفي كل مريض مجدي يعقوب المفروض يخد جائز نوبل

  2. اغنيه جميله جدا ربنا يجزيكو خير ع انكو بلوخهم فرحانين وحاسين ان ف ناس حسه بيهم ربنا يشفيهم كلهم يارب ويشفى كل مريض يارب

  3. بجد اغنيه بتخطف القلب فقمت الروعه شكرن للدكترمجدي يعقوب والفنان احمدحلمي والفنانه دنياسميرغانم وربنا يشفي كل مريض القلب

  4. احلى اغنية واحلى فرحة لينا كلنا ويوفق الأستاذ الدكتور البارع مجدى يعقوب والفنانة الجميلة والفنان احمد حلمى يارب اشفى كل مريض

  5. الدكتور مجدي يعقوب افضل انسان في مصر عشان بيعالج الاطفال التعبانين وبينقز حياتهم

  6. شكراً لدنيا واحمد والف الف شكر لاحلى واعظم دكتور فى العالم يارب مصر كلها تبقى زى الدكتور مجدى يعقوب.حنينين على اطفال ربنا يشفيهم ويخليهم لاهلهم

  7. مؤثرة اوى وبجد بتخطف القلوب وشكرا للفنانين احمد حلمى .ودنيا سمير غانم وللدكتور مجدى يعقوب شكر خاص لانه قدر ينقز حياة الناس دى ويارب يقدرو وينقز حياة ناس كتير ويارب يشفى كل مريض ويبعد عننا المرض يارب الهم امين

  8. شكرا للدكتور مجدى يعقوب ودايما يكون ف تقدم وازدهار دايما وشكرا للفنان احمد حلمى والفنانه دنيا ويارب يباركلكم بجد شئ عظييم ومؤثر

  9. شكرا لدنيا واحمد فعلا اغنيه مؤثره اوي وشكرا الدكتورمجدي شكر خاص لانه قدر ينقز حياه الناس

  10. الف شكرا لفنان احمد حلمي والفنانة الرقيقة دنيا سمير علي الاغنية والاعلان الجميل ده وعظيم الشكر للدكتور
    الحنون والطيب مجدي يعقوب أعظم دكتور في العالم. ربنا يشفي كل مريض وكل طفل في مصر يارب

  11. اشكر الفنان العظيم احمدحلمي والفنانة العظيمة دنيا واشكر الدكتور مجدي يعقوب وفي الحقيقة هو اعلان روعة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *