كل عروسة داخلة على جواز بتحتار تجيب ايه واوقات تجيب حاجات زياده عن اللزوم او تكتشف ان فى حاجات نقصاها بعد الجواز ، فى المقال دى هعرفك تجيبى ايه .

القسم الاول

(رفايع المطبخ ومستلزماته)

خلاط كهربائى  وكبه “ياريت بلاش الكيتشن ماشين لانه بيشتغل بموتور واحد واذا باظ حال المطبخ بيقف فالاحسن تجيبى كل حاجة لوحدها” قطاعة خشب للحمه وواحده بلاستيك للخضار-طقم علب للتلاجة -فتاحه – مقص استلس ومقص لتنظيف السمك – مقورة للمحشى – مقشرة للبطاطس – كاتل (سخان للمياة ) – مانعة فوران لللبن – طقم مساكه وجوانتى حرارى – عصارة ليمون وبرتقال – مفرمة توم – قطاعة للبيض والبصل – قصافة – فرشاة لدهان الصوانى – مشابك للغسيل  وحبل غسيل- سنادات حرارية – قوالب ثلج –  خيط وابر – ليفة – مريلة للمطبخ – طقم بهارات “غير الملاحات اللى بتتقدم للسفرة ” وطقم للشاى والسكر والبن – مناديل للمطبخ لقلى البطاطس – غطاء للغسالة وللانبوبة  – قاعدة للتلاجه والانبوبة – مضرب للبيض يدوى او ماكينة – رشاقة للاطباق – صفاية بلاستيك للخضار – صفاية للمعالق والاطباق للحوض – منخل للدقيق – وهراسة للبطاطس -طقم معالق وسكاكين غير شنطة النيش -مدق للبانية واللحم – طقم معالق خشب –  مصفاه برجليين للمكرونة – برطمانات كبيرة للتخزين – مصفاه للارز بلاستيك – طقم لغسيل الخضروات والفاكهة- 3صوانى خشب – 12 مج للشاى والنسكافية – 6 مجات صينى + عالقة خشب – طقم كنك للقهوة -طقم غرف للمطبخ – طقم مصافى صغير للعصير.

القسم الثانى

(البلاستيك)

سلة لكل غرفة فى الشقة “ياريت تكون لون موحد ” – سله كبيرة للمطبخ – سلة للملابس الغير نظيفة  وواحدة للملابس النظيفة- 2طشت للغسيل والشطف – مكنسه ناعمة واخرى خشنه – لمامة سجاجيد – جروف بلاستيك – مساحة – جردل للمسح والشرشوبة – زعافة سقف –  شماعات بلاستيك للدولاب -وفرشاة لتنظيف الزجاج – ريشة – فرشاه لغسيل السجاحيد – سلاكه حوض – فرشاه للتواليت .

جهاز العروسة المصرية من الالف للياء

القسم الثالث

(اطقم الحلل)

•  طقم الاستلس :-

ياريت يكون تقيل ونوعيه كويسه لان استخدامه كويس جدا.

•  طقم التيفال :-

بردو يكون تقيل ونوعية كويسة ويكون استخدامه بالمعالق الخشب و  ممتاز فى استخدامه لانه مبيشيطش الاكل  وصحى .

• طقم الالمونيوم :-

هو لا غنى عنه فى كل مطبخ .

•  طقم الصينى :-

وكل ما خف يكون نوعه كويس .

•  طقم الصاج :-

يفضل استخدامه السلق والتسخين .

• طقم البيركس :-
• طقم الاركوبال :-

ياريت نراعى تنسيق الالوان فى النيش .

• طقم الجاتوه :-
• طقم الفطار والعشاء :-

للاستخدام الشخصى .

• طقم الشاى :-
• 2 طقم طوامى فرن :-

واحد مدور وواحد مستطيل .

• طقم طواجن للفرن :-

هىبتيقى فخار ولكن طالع منها جديد سيراميك .

جهاز العروسة المصرية بالكامل

 

القسم الرابع

(النيش)

6 أطقم كاسات أشكال مختلفة وراعى اذا كان استيل البيت مودرن او كلاسيك فاذا كان كلاسيك يفضل يكون من ضمن الاطقم طقم كاسات كريستال – 4 طقم كبايات شاى – 2 طقم شربات – 6أطقم كبايات للمياة -طقم خشاف – طقم جيلى – 1 بونبونيرة – اطباق صينى للشوربة – طقم كاكاو -وطقم قهوة – شيالة كحك – 2 صينية شيك للتقديم – طبق فاكهة – فازة – شنطة معالق للتقديم .

القسم الخامس

( المفروشات )

1- الفوط :

من 8 : 12 فوط احجام مختلفة – 12:8 فوط للسفرة – 6 : 8 فوط مطبخ – 2 بورنس – 2 باشكير .

2 – الملايات :

12 ملاية سرير كبير منها السادة والمنقوش – 4 ملاية سرير اطفال .

3- المفارش:

مفرش سرير ويفضل  ابيض – مفرش للدولاب -مفرش للسفرة والنيش وياريت يكونوا زى بعض – مفرش للانترية .

4- البطاطين :

عدد2 بطنية كويس +لحاف فايبر .

5- الكوفيرتات :

عدد2  كوفيرته بالمخدات وبتكون زى المفرش .

عدد2  سجادة صلاة .

• ملحوظة فى نهاية الموضوع :

“الاعداد الموجودة هنا ممكن تزيد أو تنقص طبقا للوضع المادى ” .