التخطي إلى المحتوى

النهاردة واحدة من اشهر الاساطير في مصر انتهت وهى ان اللي معاة فيزا امريكا بيترفض في هولندا فى ناس اخدتها مالتى من اول مرة حبيت اوضح شوية حاجات لو عملتوها حتاخدوا اي تاشيرة في العالم .

1- اول حاجة اللي محدش واخد بالوا منها ومحدش اتكلم عليها خالص صورتك الشخصية اتصوروا صور رسمية بدلة وجرافتة وكدة محدش يروح يضرب شعرة اسبايكى ويتصور اغلب سفارات الشنجن مفيهاش مقابلات بيحكم عليك من صورتك

2- المهنة في الباسبور على قد ماتقدروا بلاش مندوب مبيعات و حاصل على والكلام دة لازم مهنة مثبتة مثلا الدبلوم تجارة طلعها محاسب اقولك ازاى حتروح مثلا لشركة واحد حبيبك وحيقول انك شغال عندة محاسب و حتعمل البطاقة على كدة محاسب في شركة كدا .والباسبور حيطلع محاسب في شركة كدا وبالانجليزي accountant ودة الاحنا عايزينة مهنة مثباة علي الباسبور وقيس علية باقي الوظايف.

3- بلاش الشركات الوهمية اللي كل مصر عملتها دى تحس ان الشباب كلة رجال اعمال انت اصلا اول ماتقدم سجل و بطاقة حتبقي مصدر شك القصة اتهرشت خلاص عايز تقدم انك صاحب شركة يبقي اول حاجة يكون مر على الشركة سنة ثانيا تقدم كشف حساب للشركة ثالثا صورة من الاقرار الضريبي غير كدة فشركتك على الورق وحلها hr من واحد حبيبك وهما بنسبة 90 %مش بيتصلوا لو مرتاحين منك.

4- كشف حساب البنك لازم يكون علية حركات مش مهم كام المهم حركات كتيرة وكل مصر عندها شهادات فطلع بضمانها كريدت كارد ويفضل يكون بلاتينوم او تتانيوم بس العندة جولد شغال ووانت بتقدم صور الكارت و قدم كشف الحساب بتاعة

5- حجز الطيران بيتعمل من اي شركة سياحة بس اهم حاجة يكون متوافق مع تواريخ سفرك والانت كاتبة في الابليكيشن ومتوافق مع التامين الصحى بتاعك سيبك من الكان منزل موقع بيعملوا ب 15 دولار هو ب15 جنية كلة على بعضة

6-حجز الفندق اختاروا ادفع في الفندق بس موكد ودة بالكريدت عادى واختاروا اللي بيتلغي ببلاش طبعا.

7- حاجة مهمة جدا متجيش اول سفرية في حياتك وعايز تقدم شنجن وتيجى في الاخر تقول اترفضت عايز القنصل ازاى يقتنع بيك وانت عايز تطلع السلم من فوق؟ ابتدى ببلاد سهلة بقبرص وجورجيا سفرية واحدة بعدها سنعافورة تاشيرة قوية جدا ومعاها تايلاند و ماليزيا

8- بلاش اشاعة ان فرنسا اسهل سفارة وبتدى الفيزا بسهولة فرنسا مش بتوزع تاشيرات على المصريين زيها زى اي واحدة.

9- طبعا في ناس بتاخد شنجن اول مرة بس دول بقي بيكون ورقهم قوي جدا مهندسين في الخليج دكاترة، موظفين بنوك كدة ودول مش كتير انا كلامى للناس العادية.

10-  اشاعة تانية متقدمش شنجن وانت لوحدك قدم مع مجموعة دى ملهاش اى اساس ومعلومة مغلوطة كل ماتقدم مع حد حيشكوا ان المجموعة كلها حتهرب و ممكن ناس تاذى ناس مثلا واحد معاة شنجن ومقدم مع واحد صاحبة معهوش اى تاشيرة الاتنين حياخدوا رفض واللي متابع الجروب حيلاقي حالات مشابهة لكدة .

11-  خطة السفر بتاعتك اكتبها بخط ايدك متطبعهاش ودي كانت من نصايح فان باستن مصر .

هولندا – امستردام

التعليقات

اترك تعليقاً

لن يتم نشر عنوان بريدك الإلكتروني.