تابعنا على مواقع التواصل الاجتماعي الفيديو الكوميدي الذي انتشر على الشبكة الاجتماعية “فيسبوك” بين أولياء الطلاب، الذي اشتهر باسم “اللي عندة معزة يربطها”، والتي أرسلها والد طفل في مرحلة الروضة ، الطفل عبد الرحمن الذي حضن وقبل زميلته في الفصل ، وهي ليست المرة الأولى التي يحدث فعل مماثل لهذا الطفل ، كما أن هذا الطفل قام بالتعدي على زميلته بالضرب سابقا ، وقامت والدة الطالبة بالمسامحة ، وصرحت قائلة ولكن أن يصل الأمر إلي حد التقبيل والحضن ، فهذا لا يمكن السكوت علية .

وتأتى تفاصيل المشادة الكلامية التي حدثت بين أولياء الأمور الطلاب ، بقيام والده الطفلة بتسجيل مقطع صوتي تدعي فيه بأن الطفل عبد الرحمن قام بتقبيل طفلتها بالغصب ، وقام بضربها مرتين سابقاَ .

وقام والد الطفل عبد الرحمن بتسجيل مقطع صوتي يرد فيه على الادعاء من والده الطفل قائلا : “انا أبو عبد الرحمن وحبيت ارد على حضرتك اللي عندة معزة يلمها وأنا ابني يبوس أي حد لو بنتك محترمة ومؤدبة مكنتش خلته يبوسها والطريقة دي أنا مبحبهاش ، انتى فاكرة انك هتكلمى ف الجروب وهنسكت ، لا مش هنسكت ، والسلام عليكم ورحمه الله وبركاتة”  .

ويمكنك متابعة هاشتاج #اللي_عندة_معزه_يربطها على موقع التواصل الاجتماعى فيسبوك .

ونستعرض معكم ردود الفعل على مواقع التواصل الاجتماعي :

السلام عليكم ورحمة الله وبركاته
عشان بس الكلام الكتير و محدش عارف اى خلفيات
الكلام ده فى فصل ابنى فى صف اول
و فى مصر مش بره مصر لأنه فى ناس بتقول بره مصر

و تسجيل الأم كان فى جروب الفصل ع الواتس آب اللى كله أمهات و فى حد مش عنده ضمير فى الجروب معنا اخد التسجيل طلعه بره الجروب و عشان كده انتشر بهذه السرعه
و اللى طلع التسجيل مش طلع باقى التسجيلات لأنه التسجيل ده بتاع أم البنت، بعدها أم الولد ردت و بعدين أم البنت ردت عليها الشاهد انه الموضوع له تكمله مش وقف عند هذا التسجيل
كان نفسي الرد التانى بتاع أم البنت يتنشر زى ما ده اتنشر عشان الناس تفهم أساس الموضوع و خلفياته من أول السنه
لكن حد قصد يطلع تسجيل معين لغرض معين
المهم بقه عشان المصريين شعب فاضي و غير منصف نهائيا و بيحبوا يتفذلكوا و يحكموا ع الناس بمزاجهم
الولد ده من أول السنه قرفنا فى المدرسه كلام فى حاجات منتهى قلة الأدب و السفاله و شتيمة كمان و صدقا انا استحى اقول الكلام اللى بيقولوه و عيالنا سمعوه منه
و احنا كأمهات تواصلنا الأول مع أمه عشان سلوكيات ابنها إن كان سلوك لفظى أو سلوك أخلاقى لكن للأسف مفيش اى موقف بيتاخد مع الولد و بيزداد فى قلة الأدب و آخر ما زهقنا تم التواصل مع المدرسه و تم استدعاء ولى أمر الولد و المدرسه دلوقتى متابعه الولد
احنا لا نعيب ابدا على الطفل لأنه مهما كان ده طفل و محتاج متابعه و تقويم و ده اللى كنا بنطلبه
و شيء تانى مهم جدا من باب الإنصاف،رد الرجل غالبا ده مش أبو الولد لأنه جروب الواتس آب كله أمهات مفيش رجاله خالص
هو غالبا حد عمل تسجيل من باب التنكيت و التريقه و تم نشر تسجيل الرجل ده على أنه أبو الولد
و أخيرا انا بجد كان لازم ارد لأنه الموضوع زاد عن حده و سبحان الله ربنا قدر لأم البنت تاخد حسنات و هى قاعده فى بيتهم و يكفى قولها لى على كل اللى حصل ده حسبى الله و نعم الوكيل

ياريت اى حد يشوف بوست بيكلم عن الموضوع ده ينقل كلامى ده

و ربنا يشهد ع كلامى ده ☝

أم عبدالله الشواف

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *